IGARTZAKO DANTZARIEN KOFRADIA

Igartzako dantzarien kofradia ospatuko da urtero bezela, Irailaren 10 ean, Larunbatean, Beasainen. Eguerdiko 12 etan abiatuko dira dantzariak San Martin plazatik.  12:45 ak aldera, Igartza multzora iritsiko dira. Ospakizunean, dantza moldaketa berriak egingo ditugu Igartzari eta bere historiari egokituak. 

Aurtengoa berezia da 10.urteurrena ospatuko dugulako; hori dela eta, Irailaren 7an, Asteazkenean, aurkezpena izango da Igartza Jauregian, arratsaldeko 19:00etan.  "Igartzako Dantzarien kofradiak 10 urte".

Irailaren 8an, azken entsegua egingo dugu Igartzan, arratsaldeko 19:00etan.

2016-2017 IKASTURTEA

Udako oporrei amaiera ematearekin batera ongietorria emango diogu ikasturte berriari. 

Aurten dantzan hasiko diren ikasleen gurasoentzat bilera Irailaren 5 ean izango da dantzako lokalean, Garmendia Otaola 7an, arratsaldeko 17:00 etan.

Ikasturtea, bestetik, Irailaren 7 an, asteazkenean, hasiko da. Bestetik, hemen duzue ikasturte berriaren ordutegi zein egutegia.

Ondo amaitu oporrak eta laister arte!

---------------------------------------------------------------------------------------------------------------

Despues del verano empezaremos con el nuevo curso. La reunión para los padres de nuevos alumnos, será el día 5 de septiembre, lunes, a las 17:00, en el local de Aurtzaka, Garmendia Otaola 7.

El nuevo curso comenzará el día 7, miércoles. Por otra parte, éstos son el calendario y horario del nuevo curso.

                                                        ORDUTEGIA/ HORARIO

EGUTEGIA/ CALENDARIO

MERENDOLAK

Ikasturteari amaiera emateko, ez dago merendola batez bukatzea baino gauza hoberik. Horrelaxe bukatu genuen gure dantza ikasturtea, amaieran hainbat joku ezberdin eta ur jolasak eginez. 

Oso ondo pasatu genuen! 

Uda ona pasa eta Irailerarte! 

ARGAZKI GEHIAGO-----  HEMEN

ARANGOITI 2016-06-26

Hilaren 26an,  Beasaingo Arangoiti egoitzan  eskaini zuten 2006 an jaiotako neskak eta 2009an jaiotako mutilak Udara aurreko euren azkeneko emanaldia. Arratsaldeko 17:00 etan eman zien hasiera saioari eta talde bakoitzak txandaka hainbat dantza egin eta gero, denak batera kalejira bat eginez amaitu zuten. 

Ondoren, ohitura den bezala, merienda goxo bat ere eman zien. Oso ondo pasatu zuten!

SAN JOAN NESKATXEN SOKA DANTZA

Ekainaren 23an, urtero bezala, San Joan neskatxen soka dantza ospatu genuen Udari hasiera emateko. Urteko egunik luzeena izanik, guk ere ondo aprobetxatu genuen. Eguardian, Etxegaratera joan ginen San Joan koroak egiteko lore bila; margarita, san joan lore, garoa... bildu genituen. 

Ondoren, Igartza Jauregira joan eta gurasoen laguntzaz koroak egiten hasi ginen. 7ak aldera, San Joanetan ohitura bezela altxatzen den makalaren igoera izan zen herriko gizonen laguntzaz. 

19:30etan neskek euren San Joan dantza egin zuten makalaren aurrean. Iluntzean berriz, denak batera, txistulariekin batera, Barrendain plazara jaitsi eta 22:00 etan soka dantzaz gozatu genuen. Urtero bezala, mutilak ere bertan izan ziren sokan laguntzeko prest! 

Zorionak danoi!

ARGAZKI GEHIAGO HEMEN

SAN JOAN KOROEN IKASTAROA

San Joanak gerturatzen ari zaizkigula eta, Ekainaren 18an, Larunbatean, San Joan koroen ikastaro ireki bat egin genuen Igartza Monumentu Multzoak antolatuta. Tailer irekia izan zen eta interesa zuen edonork azaltzeko aukera izan zuen.

San Joanetan gure neskatxak erabiltzen dituzten koroak egiteko hainbat baliabide eman genituen eta bertaratutako guztiek koroa bat egiteko aukera izan zuen ondoren, hau etxera eramateko aukera izanik.

ARGAZKI GEHIAGO HEMEN

LAZKAOKO DTE 2016-06-12

Lazkaon ere izan ginen hilak 12an, Igandean. 2010 an jaiotako neskak eta 2009an jaiotako mutilak izan ziren bertan. Goizeko 10:30 etan gelditu ginen herriko plazan eta hamaiketakoa jan ondoren, 11:00 etan hasiera eman genion desfileari herriko kaleetan zehar.

Goizeko saioari amaiera emateko, 13:00 etan herriko plazan elkartu ginen talde guztiak batera hainbat dantza eskaintzeko.

Ondoren, bazkaltzera joan ginen eta arratsaldean berriz, erromeriaz gozatzeko aukera izan genuen.

Lazkaoko Oin-Arin taldearen 50. urteurrena ospatzeko, ordulari zoragarri bat ere eman ziguten! Mila esker!

ARGAZKI GEHIAGO---- HEMEN